Príomh‑uasghrádú uisce curtha i gcrích do phobal an Chéididh

Tá pobal an Chéididh i nDún na nGall thiar ag baint tairbhe anois as mór-uasghrádú ar phríomhphíopaí uisce a chuir Uisce Éireann i gcrích, rud a chuireann soláthar uisce níos iontaofa agus níos seasmhaí ar fáil do thithe agus do ghnólachtaí áitiúla.

Cuireadh an tionscadal i gcrích mar chuid de Chlár Náisiúnta Laghdaithe Sceite Uisce Éireann, agus is éard a bhí i gceist leis ionadú a dhéanamh ar níos mó ná 3.6km de phríomhphíopaí uisce d’iarann teilgthe a bhí ag dul in aois, rud a léiríonn infheistíocht mhór sa bhonneagar uisce áitiúil. Suiteáladh naisc nua seirbhíse uisce freisin ón bpríomhphíopa uisce poiblí sa bhóthar go teorainneacha réadmhaoine na gcustaiméirí.

Tá na hoibreacha críochnaithe ag soláthar buntáistí inláimhsithe don phobal áitiúil anois, lena n-áirítear iontaofacht fheabhsaithe an tsoláthair, cáilíocht fheabhsaithe uisce, agus deireadh a chur le sceitheadh uisce cóireáilte isteach sa talamh ó sheanphíopaí.

Dúirt Patricia Lowry, Clárbhainisteoir Uisce Éireann go bhfuil difríocht dhearfach á déanamh ag an tionscadal do chustaiméirí an Chéididh.

“Is cúis bhróid dúinn go bhfuil na hoibreacha seo curtha i gcrích againn do phobal an Chéididh a bhfuil na buntáistí a bhaineann leis an infheistíocht mhór seo ina mbonneagar uisce ag dul chun tairbhe dóibh anois. Trí phíopaí nua a chur in ionad príomhphíopaí uisce atá ag dul in aois, cuirtear feabhas ar sheasmhacht an líonra agus bíonn níos mó muiníne ag custaiméirí as a soláthar uisce. Is mór againn foighne agus comhar na gcustaiméirí agus na n-úsáideoirí bóithre agus an t-uasghrádú ríthábhachtach sin ar siúl.”

Rinneadh oibreacha feadh an R259, ó Acomhal Ailt an Chorráin go dtí an Céideadh Uachtarach (Droichead an Chéididh).  Ba é Farrans Construction a chuir an tionscadal i gcrích thar ceann Uisce Éireann.

Chun tuilleadh eolais a fháil, tabhair cuairt ar ár leathanach don Clár Náisiúnta an Laghdú Sceite. Is féidir le daoine den phobal aon sceití sa líonra uisce poiblí a thuairisciú ach dul i dteagmháil le hUisce Éireann ag 1800 278 278 nó ar líne ag Tuairiscigh Sceitheadh.

Cuireann Uisce Éireann seirbhís téacs saor in aisce ar fáil a thugann nuashonruithe fíor-ama maidir le saincheisteanna áitiúla. Féadann custaiméirí clárú leis lena nÉirchód agus lena n-uimhir fóin póca ar an leathanach foláirimh téacs.  

Tá Uisce Éireann freagrach as seirbhísí uisce óil agus fuíolluisce poiblí uile a sholáthar do mhuintir na hÉireann. Táimid tiomanta do phobail a chur faoi bhláth trí bhonneagar ríthábhachtach a uasghrádú agus a fhorbairt ar bhonn leanúnach chun tacaíocht a thabhairt d’fhás agus d’fhorbairt inbhuanaithe, chun uisce óil sábháilte a chur ar fáil, agus chun an timpeallacht a fheabhsú.